Paris polisi cümə günü kürd mədəniyyət mərkəzi yaxınlığında iğtişaşlar törədən şəxslərə qarşı gözyaşardıcı qazdan istifadə etməyə məcbur olub.
Etiraz edən insanlar zibilləri yandırıblar. Məlumata görə, beş polis əməkdaşı yaralanıb. Etirazçılar arasında həbs edilənlər olub.
Xatırladaq ki, dekabrın 23-də Fransa paytaxtında adı açıqlanmayan 69 yaşlı kişinin odlu silahdan açdığı atəş nəticəsində 3 nəfər ölüb, 3 nəfərsə yaralanıb. Ölənlərin kürdəsilli şəxslər olduğu bildirilib.
Atəş açan şəxs polis tərəfindən saxlanılıb.Parisdə bir nəfər yoldan keçənlərə atəş açıb. Hadisə nəticəsində bir neçə nəfər yaralanıb. Bu barədə Fransa paytaxtının yerli polis idarəsindən bildirilib.Polisdən verilən məlumata görə, şübhəli şəxs saxlanılıb. Onun 60 yaşlarında kişi olduğu vurğulanır.
Hələlik yaralıların dəqiq sayı barədə məlumat verilmir.