Türkiyə, Rusiya və Suriyanın müdafiə nazirliklərinin texniki heyətləri Ankara və Dəməşq arasında normallaşma üzrə yaxın günlərdə növbəti görüş keçirəcək.
Sumqayit.tv xəbər verir ki, bu barədə Türkiyənin milli müdafiə naziri Hulusi Akar deyib.
"Yaxın günlərdə texniki nümayəndə heyətlərimiz həmin danışıqların davamı olaraq Moskvada görüşlər keçirəcək. Nəticə əldə etmək üçün əlimizdən gələni edirik", - H.Akar bildirib.
Qeyd edək ki, Ankara və Dəməşq arasında normallaşma prosesi üzrə son 11 ildə ilk diplomatik təmas ötən ilin dekabrda baş tutub.