Ukrayna prezidenti Vladimir Zelenski Londona gözlənilməz səfəri çərçivəsində Böyük Britaniyanın baş naziri Rişi Sunak ilə iki ölkə arasında əməkdaşlığı gücləndirmək məqsədi daşıyan “London Bəyannaməsi”ni imzalayıb.
Sumqayit.tv xarici kivlərə isitinadən xəbər veir ki, Böyük Britaniya ilə Ukrayna arasında imzalanan “London Bəyannaməsi”ndə “Rusiya iqtisadiyyatının əsas sektorlarına, o cümlədən Rusiyada və ya Rusiyadan kənarda müharibəni dəstəkləyənlərə qarşı yeni sanksiyalar tətbiq ediləcək.
Bəyannamədə Rusiyanın 2014 və 2022-ci illərdə Ukraynaya etdiyi hücumların kökündə Avropanın təhlükəsizliyinə və insanların öz müqəddəratını təyinetmə hüququna qarşı hücumun olduğu vurğulanır.
İngiltərə və Ukraynanın Rusiyaya qarşı həmrəy olduqları vurğulanan bəyannamədə Böyük Britaniyanın Ukraynanın müstəqilliyini, ərazi bütövlüyünü və sərhədlərini sarsılmaz şəkildə dəstəkləməyə davam edəcəyi bildirilib.
Bəyannamədə Ukraynanın NATO-ya üzvlüyü də daxil olmaqla öz təhlükəsizliyini təmin etmək cəhdinin dəstəklənəcəyi vurğulanıb və aşağıdakılar qeyd edilib:
Bəyənnamədə "Ukrayna Silahlı Qüvvələri təkcə öz ərazisini deyil, həm də ümumi dəyərlərimizi və beynəlxalq hüququn əsas prinsiplərini təşkil edən BMT Nizamnaməsini qoruyur. Ölkələrimiz Rusiyanın "təsir etmək" iddiasını və onun sərhədləri güc yolu ilə dəyişdirmək addımlarını rədd edir. Biz suverenlik və öz müqəddəratını təyinetmə dəyərlərini müdafiə edirik. Rusiyanın törətdiyi vəhşiliklərin bir daha təkrarlanmamasını təmin etmək əzmini bölüşürük” deyə qeyd edilib.