Ermənistanın keçmiş müdafiə naziri Vigen Sarkisyana qarşı ittiham irəli sürülüb.

Musavat.com erməni mediasına istinadən xəbər verir ki, bu barədə qonşu ölkənin Baş prokurorluğunun mətbuat xidmətindən verilən məlumat yayıb.

Verilən rəsmi informasiyaya əsasən, 2016-2018-ci illərdə müdafiə naziri vəzifəsini tutmuş Vigen Sərkisyan İrəvandakı Həsrətyan küçəsindəki 25.6-cı binada mənzillərin bölüşdürülməsi zamanı bilərəkdən səlahiyyət həddinə çatmayan hərəkətlərə yol verib.

Nəticədə fiziki şəxslərin hüquqlarına, qanuni mənafelərinə, habelə dövlətin qanuni mənafelərinə ehtiyatsızlıqdan ağır nəticələrə səbəb olmuş külli miqdarda ziyan vurulub.

Prokurorluqdan verilən məlumata görə, “nazirliyin balansında olan həmin binada 71 mənzil ehtiyacı olan hərbçilərə verilməli imiş. Lakin keçmiş nazir qanunla təsdiq edilmiş prosedurun tələblərinə məhəl qoymayaraq, “komissiya üzvlərinə qeydiyyatda olmayan və ya siyahıya sonradan əlavə edilmiş 26 hərbi qulluqçuya, o cümlədən hərbçi olmayan 3 nəfərə göstərilən binada mənzillərin verilməsi barədə tapşırıq verib. Komissiya nazirin əmrlərini yerinə yetirib”.

Prokuroqluğun məlumatına əsasən keçmiş nazirə və mənzillərin paylanması üzrə komissiyanın 5 üzvünə cinayət işi qaldırılıb.