Prezident Ərdoğan oktyabrın 28-də İstanbulda keçiriləcək “Böyük Fələstin mitinqi” ilə bağlı paylaşım edib.
Musavat.com xəbər verir ki, Ərdoğan yazıb:
"Millətimizin hər bir üzvünü sabah İstanbul Atatürk Hava Limanında keçirəcəyimiz, fələstinli qardaşlarımızla həmrəyliyimizi bütün dünyaya bir daha nümayiş etdirəcəyimiz "Böyük Fələstin Mitinqi"nə dəvət edirəm".
“BÖYÜK FƏLƏSTİN MİTİNQİ” PROQRAMI ELAN EDİLDİ
AK Partiyanın 28 oktyabr şənbə günü keçirəcəyi 'Böyük İstanbul mitinqi' ilə bağlı AK Partiya İstanbul İl Başçılığından da açıqlama verilib.
Açıqlamada, oktyabrın 28-i şənbə günü keçiriləcək "Böyük Fələstin mitinqi"ndə milyonlarla vətəndaşla yanaşı, xüsusi qonaqların da iştirak edəcəyi bildirilib. Atatürk Hava Limanında keçiriləcək mitinqə bir çox fərqli ölkədən dövlət adamları, hökumət nümayəndələri və Siyasi Partiya liderləri qatılacaq.
İsrailin Fələstinə hücumlarına reaksiyalar davam edir. AK Partiyanın 28 oktyabr şənbə günü Atatürk Hava Limanında keçirəcəyi "Böyük Fələstin mitinqi" ilə bağlı vilayət qərargahından açıqlama verilib. Açıqlamada, "Prezident Rəcəb Tayyib Ərdoğanın da qatılacağı mitinqdə dünyaca məşhur sənətçilər Yusuf İslam, Maher Zain və Ömər Karaoğlu səhnəyə çıxacaq.