Ermənistanın baş naziri Nikol Paşinyan Rusiyanın liderlik etdiyi beynəlxalq təşkilatarı boykot etməyə davam edir.
Sumqayit.tv erməni mediasına istinadən xəbər verir ki, Belarus tərəfinin təşəbbüsü ilə Ermənistanın baş naziri Nikol Paşinyanla Belarus prezidenti Aleksandr Lukaşenko arasında telefon danışığı olub.
Ermənistan hökumətinin mətbuat xidmətindən verilən məlumata görə, söhbət zamanı KTMT-nin Kollektiv Təhlükəsizlik Şurasının noyabrın 23-də Minskdə keçiriləcək iclasının təşkili ilə bağlı məsələlər müzakirə olunub. Paşinyan Belarus prezidentinə görüşdə iştirak edə bilməyəcəyi barədə məlumat verib və KTMT tərəfdaşlarının bu qərara anlayışla yanaşacağına ümid etdiyini söyləyib.