2023-cü ilin yanvar-oktyabr aylarında Rusiyanın xarici ticarət profisiti 2022-ci ilin eyni dövrü ilə müqayisədə 2,6 dəfədən çox azalaraq 104 milyard dollar təşkil edib.
Sumqayit.tv Rusiya Mərkəzi Bankına istinadən xəbər verir ki, on ayda Şimal qonşumuzun tədiyə balansının profisitində də azalma qeydə alınıb.
Belə ki, bu ilin 10 ayı ərzində Rusiyanın tədiyə balansı hesabının profisiti təxminən 3,8 dəfə azalaraq 53,8 milyard dollar olub. Bu dövrdə Rusiyanın ixracı illik ifadədə 29,4 faiz azalmaqla 316,9 milyard dollar, idxalı isə 18,3 faiz artmaqla 213,3 milyard dollat təşkil edib. Nəticədə on ayda ümumi xarici ticarət dövriyyəsinin həcmi ötən ilki 629,2 milyard dollara qarşı 530,2 milyard dollara düşüb.
Qeyd edək ki, Rusiya xarici ticarətində profisitin azalmasının əsas səbəbi neft və neft məhsullarına Qərbin tətbiq etdiyi sanksiyalardır.