Latviya sakinlərinə Moskva ilə eyni vaxtda atəşfəşanlıq etmək qadağan ediləcək. 
Sumqayit.tv xəbər verirki, Latviyanın Oqre şəhərinin sakinlərinə Kremllə eyni vaxtda Yeni il üçün atəşfəşanlıq etmək qadağan olunacaq. Bu, “Atəşfəşanlıq və səhnə pirotexniki məmulatlarından istifadə vaxtı haqqında” özünüidarənin məcburi qaydalarının layihəsində öz əksini tapıb.
Bununla bağlı izahatda qeyd olunur ki, bələdiyyə Yeni il ərəfəsində pirotexniki məmulatlardan istifadənin yerli vaxtla saat 23:00-da başladığını və Moskvada bayramın qeyd olunması ilə üst-üstə düşdüyünü qeyd edib.
“Bu, cəmiyyətin müəyyən bir qrupunun Latviya cəmiyyətinin əksəriyyətinin dəyərləri ilə üst-üstə düşməyən Rusiya rejiminə dəstək və mənsubiyyətini ifadə etmək fikrinə və istəyinə dəlalət edir”, - deyə sənəddə qeyd olunub.
Layihəyə əsasən, yanvarın 1-də saat 00:00-dan 01:00-dək Oqre rayonunda atəşfəşanlıq və səhnə pirotexniki məmulatlarından istifadəyə icazə verilməsi nəzərdə tutulub.