G7 ölkələri 2024-cü ilin 1 yanvarından etibarən Rusiya brilyantlarına qarşı embarqo tətbiq edəcəklər.
Musavat.com xəbər verir ki, bu barədə G7 nazirlərinin görüşündə qəbul edlmiş yekun bəyannaməyə istinadən Reuters məlumat yayıb.
Bəyannamədə qeyd olunur ki, 2024-cü ilin 1 martından başlayaraq həmçinin Rusiya brilyantlarının üçüncü ölkələrdən idxalına da mərhələli şəkildə qadağa tətbiq olunacaq. Sentyabrın 1-dək Rusiyanın emal olunmamış brilyantlarının digər ölkələrin məhsulu kimi idxalını önləyəcək effektiv yoxlama və sertifikatlaşdırma mexanizmi hazırlanaraq tətbiq ediləcək.
Qadağa sənaye almazlarını əhatə etməyəcək.
Onu da qeyd edək ki, bu qadağa Ermənistan üçün böyük itkiyə səbəb ola bilər. İrəvan Rusiyadan emal olunmamış brilyantları alaraq emal edib satmaqla külli miqdarda gəlir əldə edir. Bu ilin 9 ayında Ermənistan yalnız Birləşmiş Ərəb Əmirliklərinə 600 milyon dollara yaxın dəyərdə brilyant və zinət əşyaları ixrac edib.