Rusiya Fdereasiyasının İstintaq Komitəsi sosial şəbəkələrdə bəyənilmə üçün yoldan keçənləri kamera önündə döyən “Azərbaycan mafiyası”nın işi üzrə istintaqı yekunlaşdırıb.
Musavat.com “KP-Sankt-Peterburq”-a istinadla xəbər verir ki, idarənin mətbuat xidməti tezliklə 16 yeniyetmə məhkəmə qarşısına çıxarılacaq.
“İstintaq tərəfindən kifayət qədər sübut bazası toplanıb və buna görə də cinayət işi ittiham aktının təsdiq edilməsi və sonradan məhkəməyə verilməsi üçün təhvil verilib”, - İdarədən bildiriblər.
Xatırladırıq ki, 14-18 yaş arasında olan miqrant yeniyetmələr özlərini “Azərbaycan mafiyası” adlandırıraq, törətdikləri cinayətlərini internet resurslarında dərc ediblər. Bu işin araşdırılması miqrasiya qanunvericiliyini pozan iki yüzə yaxın əcnəbini müəyyən etməyə kömək edib və onlardan 42-si Rusiyadan deportasiya edilib.
Yeniyetmə dəstəsinin liderlərindən biri cinayət işi başlandıqdan və geniş rezonans doğurandan sonra vətəninə qaçmağa cəhd etsə də, uzun müddət gizlənə bilməyib. 2023-cü il oktyabrın sonunda o, saxlanılaraq Sankt-Peterburqa qaytarılıb. Yekun ittihamlar elan olunana qədər bütün müttəhimlər həbsdədir.