Birləşmiş Ərəb Əmirliklərinin (BƏƏ) bankları avqust ayında Rusiya şirkətlərindən ölkəyə daxil olmayan Çin istehsallı elektron komponentlər və məişət elektronikası üçün ödənişləri bloklamağa başlayıb.
Sumqayit.tv xəbər verir ki, bu barədə məlumatı “Kommersant” bazar iştirakçılarına istinadən yayıb.
Onlardan birinin dediyinə görə, ümumilikdə notbuklar üçün ödənişlərin 10-20 faizə qədəri BƏƏ-dən keçir, digər kateqoriyalarda isə bu pay 30 faizə çata bilər. Bazar iştirakçıları bu ölkəni ən aşağı komissiyaya - 1-3 faizə görə seçiblər.
Nəşrin həmsöhbətləri bunu ABŞ-ın ikinci dərəcəli sanksiyaları təhlükəsi ilə əlaqələndirirlər: başqa ölkələrin, o cümlədən Çinin bankları da əvvəldən Rusiyadan ödənişlərlə bağlı oxşar siyasət yürüdürlər.