ABŞ maliyyə naziri Scott Bessent Münhen Təhlükəsizlik Konfransı çərçivəsində Ukrayna prezidentindən kor-koranə nadir torpaq metallarına dair saziş imzalamağı tələb edib.

Ajans.az xəbər verir ki, bu barədə “The Wall Street Journal” (WSJ) Ukrayna lideri ilə danışan amerikalı respublikaçı qanunvericiyə istinadən məlumat yayıb.
Bessent stolun üstündə uzanan sənədi Ukrayna prezidentinə tərəf itələyərək, Zelenskinin imzalamasını tələb edib. Ukraynalı siyasətçi də öz növbəsində nəzər salaraq komandası ilə bunu müzakirə edəcəyini bildirib. Sonra Bessent kağızı Zelenskiyə daha da yaxınlaşdırıb.
"Siz həqiqətən bunu imzalamalısınız" deyən ABŞ Maliyyə Naziri əlavə edib:
"Vaşinqtondakı insanlar bunu etməsəz, çox üzüləcəklər". 
Ukrayna lideri sonda sənədi götürüb, lakin imzalamağa söz verməyib.
Fevralın 3-də ABŞ prezidenti Donald Tramp bildirib ki, Vaşinqton yardım müqabilində Ukraynanın nadir torpaq metallarını almaq istəyir. Daha sonra Ağ Evin Milli Təhlükəsizlik Şurasının mətbuat katibi Brayan Hyuz izah edib ki, Amerika lideri bununla da ABŞ-nin münaqişəyə yatırdığı vəsaitə görə təzminat almaq istəyir.