Rusiya prezidentinin mətbuat katibi Dmitri Peskov martın 11-nə keçən gecə Ukraynaya məxsus pilotsuz təyyarələrin Moskvaya kütləvi hücumunu şərh edib.

Sumqayit.tv xəbər verir ki, o, hücumun niyə məhz həmin gündə həyata keçirildiyini izah edə bilməyəcəyini deyib və insanlara Ukrayna hakimiyyətindən aydınlıq gətirməyi tövsiyə edib.

"Bu məsələ Kiyev rejiminə ünvanlanmalıdır", - Peskov danışıqlar prosesinin başlamasına baxmayaraq, bugünkü hücumun səbəbləri ilə bağlı sorğuya cavab verərkən deyib.

Eyni zamanda Kreml nümayəndəsi qeyd edib ki, Rusiya hava hücumundan müdafiə qüvvələri hücumu effektiv dəf edib.

"Əlbəttə, bu barədə Ali Baş Komandana məlumat verilib", - Peskov əlavə edib.

11-03-2025, 13:30 203