18 may 2025-ci il tarixində Türkiyənin Antalya şəhərində Güney Azərbaycanın milli dirəniş simvolu olan Traktor futbol komandasının çempionluğu münasibətilə təntənəli tədbir keçirildi.
Sumqayit.tv-yə verilən məlumata görə, Türk Ocağı Parkında baş tutan bu proqram, Antalyada yaşayan türk dünyasının müxtəlif bölgələrindən olan tələbələri bir araya gətirdi.
Tədbirdə milli musiqilər, Azərbaycan rəqsləri və şeirləri səsləndirildi, iştirakçılar Traktora olan sevgilərini bayraqlar, şüarlar və halaylarla ifadə etdilər. Traktorun qələbəsi bir futbol uğurundan daha çox, Güney Azərbaycanın milli qüruru və azadlıq arzusunun simvolu kimi qeyd edildi.
Antalyadakı bu proqram bir daha sübut etdi ki, Traktor sadəcə bir komanda deyil, türk millətinin ürəyində yanan kimlik və birlik alovudur. Traktor – türk dünyasının ən çox tərəfdarı olan komandası və Güney Azərbaycanın azadlıq səsidir.
19-05-2025, 15:34
225
