Sumqayit.tv Musavat.com -a istinadən xəbər verir ki, Rusiya Prezidenti Vladimir Putin “Valday” konfransının plenar iclasında çıxış edib.

Putin Qərbin hegemonluğunun sona çatdığını vurğulayaraq qeyd edib: “ABŞ artıq tək hakim deyil, Qərbin hökmranlıq dövrü bitdi, indi Asiya dövrüdür. Birqütblü dünya sona yaxınlaşır”.

Onun sözlərinə görə, Avropa artıq dünyanı idarə edən mərkəz deyil, əksinə güclərin rəqabət meydanına çevrilib: “Avropanın hərbiləşməsini diqqətlə izləyirik”.

Prezident Qərbin Rusiya ilə müharibəni qaçılmaz kimi təqdim etməsini “cəfəngiyat” adlandırıb: “25 mindən çox sanksiya bizə təsir etmədi, dayanmadıq”.

Cəbhə ilə bağlı danışan Putin bildirib ki, Kup­yanskın 2/3 hissəsi, Donbasın 85%-i və bir sıra şəhərlər Rusiyanın nəzarətindədir: “Ordumuz bütün istiqamətlərdə irəliləyir”.

O, Rusiya ordusunun 2022-ci illə müqayisədə tam dəyişdiyini deyib: “Artıq dünyanın ən təcrübəli ordusuna çevrilmişik, səhvlərdən nəticə çıxarmışıq, NATO ilə döyüş təcrübəsi qazandıq”.

Sonda Qərbə xəbərdarlıq edən Putin belə deyib: “Rusiyanı təxribata çəkməsinlər, sonu ağır olar. NATO bizi ‘kağız pələngi’ adlandırırsa, bəs niyə hələ də məğlub edə bilmir?”