COMEX ticarət birjasında (Nyu-York Ticarət Birjasının bölməsi) qızıl və gümüşün qiymətində azalma qeydə alınıb.

Sumqayit.tv xəbər verir ki, COMEX birjasında aprel ayı üçün çatdırılma qızıl füçerslərinin qiyməti yanvarın 5-dən bəri ilk dəfə bir trua unsiyası üçün 4 400 dollardan aşağı düşüb.

Bakı vaxtı ilə saat 04:35-ə olan məlumata görə, qızılın qiyməti 2,7 faiz azalaraq 4 370,7 dollar olub. Bir neçə dəqiqə sonra eniş davam edib və qiymətli metal yanvarın 2-dən bəri ilk dəfə 4 350 dollardan aşağı düşərək 4 342,7 dollar (-3,32%) səviyyəsinə enib.

Gümüşün qiymətində də azalma müşahidə olunub. COMEX birjasında 2026-cı ilin mart ayı üçün çatdırılma gümüş füçersləri fevralın 5-dən bəri ilk dəfə bir trua unsiyası üçün 65 dollardan aşağı düşüb.

Saat 04:38-ə olan məlumata görə, gümüşün qiyməti 64,83 dollar (-4,39%) təşkil edib. Saat 04:55-ə qədər isə eniş zəifləyib və qiymət 66,15 dollar (-2,45%) səviyyəsinə yüksəlib.

Analitiklər qiymətli metalların ucuzlaşmasını qlobal bazarlarda baş verən dəyişikliklər və investorların riskli aktivlərə marağının artması ilə əlaqələndirirlər.

23-03-2026, 10:48 61