Bir sıra tanınmış avtomobil istehsalçıları elektromobil istehsalı ilə bağlı strategiyalarını yenidən nəzərdən keçirib.
Honda, Bentley, Lotus, Audi, Porsche, Mercedes-Benz, Ford, Stellantis, Volvo, Rolls-Royce, Lamborghini və Ferrari elektromobil istehsalı ilə bağlı planlarını ya azaldıb, ya da müəyyən müddətə təxirə salıb.
Məlumata görə, buna səbəb daxiliyanma mühərrikli avtomobillərə tələbin hələ də yüksək qalması, həmçinin ABŞ və Avropada elektromobil istehsalına verilən dövlət dəstəyinin azalmasıdır.
Bildirilib ki, strategiyaların dəyişməsi, yeni modellərin gecikdirilməsi və maliyyə planlarının yenilənməsi nəticəsində avtomobil sənayesi son bir ildə təxminən 75 milyard dollar zərər edib.
Qeyd olunur ki, bəzi şirkətlər tam elektrikli modellərə keçid müddətini uzadıb, bəziləri isə benzin mühərrikli avtomobillərin istehsalını 2030-cu ildən sonra da davam etdirəcəyini açıqlayıb./ Oxu.az
23-03-2026, 22:39
52
