NATO-nun baş katibi Mark Rütte Ankarada keçirilən sammitin ikinci günündə Rusiyanı Alyans üçün uzunmüddətli təhlükə kimi qiymətləndirib.
Sumqayit.tv xəbər verir ki, Mark Rütte NATO üzvlərinin bu mövqeyi kollektiv şəkildə təsdiqləyəcəyini gözlədiyini bildirib.
"Bu gün Rusiyanı NATO ərazisi üçün uzunmüddətli təhlükə kimi kollektiv şəkildə tanıyacağımızı gözləyirəm", – deyə baş katib vurğulayıb.
Rütte NATO-nun güclü qalmasının vacibliyini qeyd edərək, Rusiyaya ünvanlanan mesajın aydın olduğunu bildirib.
"Bizim mesajımız budur ki, Avropa, Kanada və ABŞ-da yaşayan 1 milyard insanın təmsil olunduğu bir Alyansıq. NATO öz ərazisinin hər qarışını müdafiə edəcək. Siz NATO-ya qalib gələ bilməzsiniz. Biz heç kimə hücum etmirik. Biz yalnız həyatımızı, demokratiyamızı və ərazimizi müdafiə edəcəyik. Bizimlə oyun oynamayın", – deyə o əlavə edib.
Qeyd edək ki, Kreml isə bundan əvvəl dəfələrlə Rusiyanın NATO-ya hücum etmək niyyətində olmadığını bəyan edib.
8-07-2026, 11:54
52
