Baş nazir Nikol Paşinyanın bugünkü mətbuat konfransına sual göndərməkdən imtina edən erməni media redaktorlarının sayı 50-ni keçib.
Sumqayit.tv Ermənistan KİV-nə istinadən xəbər verir ki, bu günə kimi 30-dan çox KİV rəhbəri sual göndərməkdən imtina etdiklərini bildirmişdi.
Mətbuat konfransından imtina edən erməni redaktorlar bildiriblər ki, belə “onlayn brifinq”lər əvvəldən hazırlanmış ssenari üzrə keçirilir, suallar əsasən hökumətyönlü media tərəfindən verilir.
Xatırladaq ki, bu gün yeli vaxtla saat 20:00-da Paşinyan onlayn qaydada KİV və QHT-lərin suallarını cavablandıracaq. Mətbuat konfransı Facebook üzərindən yayımlanacaq. Hər media orqanından və ya QHT-dən bir sual qəbul ediləcək.
Sualları İctimai Televiziyanın şərhçisi Tatev Danielyan canlı yayımda səsləndirəcək.
27-06-2022, 16:00
145
