Sumqayit.tv “Report”-a istinadən xəbər verir ki, bu barədə ABŞ Prezidenti özünün tviter səhifəsində yazıb.

"Mən tamamilə yaxşıyam. Narahatlığa görə təşəkkür... İşimlə məşğul olmağa davam edirəm!" – ABŞ Prezidenti qeyd edib.

Daha əvvəl Ağ Evin mətbuat katibi Karin Jan-Pyer Baydenin COVID-19 üçün müsbət test verdiyini, nəticənin müsbət olduğunu, lakin dövlət başçısının öz iqamətgahında vəzifəsini yerinə yetirməyə davam etdiyini söyləyib. O əlavə edib ki, ABŞ Prezidenti xəstəliyin yüngül əlamətlərini hiss edir və “Pfizer” şirkəti tərəfindən hazırlanmış koronavirus dərmanı “Paxlovid” qəbul etməyə başlayıb.

Baydenin həkimi Kevin O Konnor da öz növbəsində qeyd edib ki, ABŞ Prezidentində müşahidə edilən əlamətlər çərşənbə günü axşam başlayan yüngül burun axması, yorğunluq və quru öskürəkdir.

Jan-Pyer qeyd edib ki, Bayden sonuncu dəfə çərşənbə axşamı testdən keçib, sonra isə nəticələr mənfi olub.