Estoniyanın paytaxtı Tallində polis Rusiyanın “İzvestiya” nəşrinin müxbiri və operatorunu saxlayıb.
Sumqayit.tv bu barədə xarici KİV-ə istinadən xəbər verir.
“Müxbir Kseniya Soldatova və operator Dmitri Timofeyev qatarda Narvadan Tallinə gedirdilər. Vaqonda onlara polislər yaxınlaşdı, qatardan düşdürdülər və polis bölməsinə apardılar”, - məlumatda deyilir.
Jurnalistlər Miqrasiya Xidmətinin nümayəndəsini gözləyirlər. Onların hansı səbəbdən saxlanıldığı açıqlanmır.
“Rusiyanın Tallindəki diplomatik missiyası “İzvestiya” jurnalistlərinin saxlanılması ilə bağlı vəziyyəti nəzarətdə saxlayır və onlara kömək etmək üçün bütün lazımi tədbirləri görür”, - deyə Rusiya XİN-in rəsmi nümayəndəsi Mariya Zaxarova bildirib
14-08-2022, 10:20
179
