Filippinin şimal-qərb sahillərində yaranan Ma-on qasırğası ilə əlaqədar Çinin Quanqdonq əyaləti və Honq-Konq Xüsusi İnzibati Bölgəsində əhaliyə xəbərdarlıq edilib.
Sumqayit.tv xarici KİV-ə istinadən xəbər verir ki, bu haqda Quanqdonq Meteorologiya Bürosu məlumat yayıb.
Büro sabahdan etibarən əyalət sahillərinə təsir edəcəyi gözlənilən qasırğa ilə bağlı üçüncü dərəcəli xəbərdarlıq elan edib.
Qasırğa səbəbindən əyalətin paytaxtı Quanqcou ilə Sincan şəhərləri arasında sürətli qatarların hərəkəti ləğv olunub.
Honq-Konq Rəsədxanası şəhərdən 800 kilometr şərqdə yaxınlaşan şiddətli tropik tufan səbəbindən 1-ci dərəcəli tayfun xəbərdarlığı edib.
Saatda 25 kilometr sürətlə şimal-qərbdən İnci çayı deltasına doğru hərəkət edən tayfunun sabahdan həftə sonuna qədər Çinin cənub sahillərinə təsir edəcəyi gözlənilir.
24-08-2022, 10:50
230
