Sumqayit.tv xəbər verir ki, məhkəmənin ölkə sərhəddindən kənara çıxmamaqla bağlı qadağası olmasına baxmayaraq Koçaryanın xaricə necə və hansı məqsədlə getməsi bir sıra suallar doğurub. Bu gün isə Ermənistanın "Hraparak" nəşri yazıb ki, Koçaryanın səhhətində ciddi problemlər yaranıb.

"Ölkənin ikinci prezidentinin hansı məqsədlə və hara getdiyini öyrənə bildik. O, tibbi müayinədən keçmək üçün Almaniyaya gedib. Məlum olduğu kimi Koçaryan son illərdə xaricə getmək imkanlarından məhrum edilib. Bununla bağlı məhkəmə qərarı da var. Amma Koçaryana ən çox müəyyən iclaslarda iştirak etmək üçün Moskvaya getməyə icazə verilib", - nəşr yazıb. 

Sosial şəbəkələrin erməni seqmentində isə hərbi caninin müayinə üçün məhz Almaniyanı seçməsini onun səhhətində ciddi problemlərin yaranması ilə bağlayan paylaşımlar olur. Qeyd edilir ki, adətən yüngül müayinələr üçün səhiyyə sistemi güclü olan Almaniya kimi ölkələr seçilmir. Görünür Koçaryan hansısa ağır xəstəlik tapıb.