Sumqayıt Şəhər Polis İdarəsinin Dövlət Yol Polisi Şöbəsinin əməkdaşları şəhər ərazisində “Təmiz hava aylığı” çərçivəsində maarifləndirici tədbirlər həyata keçiriblər.
Sumqayit.tv xəbər verir ki, tədbir zamanı nəqliyyat vasitələrinin texniki vəziyyəti yoxlanılıb, atmosferə normadan artıq zərərli maddələrin atılmasına səbəb olan nasazlıqlarla bağlı sürücülərə xəbərdarlıqlar edilib.
Yol polisi əməkdaşları tərəfindən sürücülərlə profilaktik söhbətlər aparılıb, avtomobillərin texniki saz vəziyyətdə saxlanılmasının ətraf mühitin qorunması və insan sağlamlığı baxımından əhəmiyyəti diqqətə çatdırılıb.
Bildirilib ki, tədbirlərin əsas məqsədi yol hərəkəti iştirakçıları arasında məsuliyyətli davranışın formalaşdırılması, nəqliyyat vasitələrinin texniki sazlığının təmin olunması və ekoloji təhlükəsizliyin gücləndirilməsidir.
Qeyd olunub ki, “Təmiz hava aylığı” çərçivəsində tədbirlər davam etdirilir.
14-05-2026, 14:17
200
