Ekologiya və Təbii Sərvətlər Nazirliyinin təşkilatçılığı ilə "Təmiz ölkəm" devizi altında Xəzər dənizinin Sumqayıt sahilində növbəti təmizlik aksiyası keçirilib.
Sumqayit.tv xəbər verir ki, aksiyada Dövlət Ekoloji Təhlükəsizlik Xidmətinin əməkdaşları və ekokönüllülər iştirak ediblər.
Tədbirin əsas məqsədi dəniz sahillərinin ekoloji cəhətdən təmiz saxlanılması, tullantılarla çirklənmənin qarşısının alınması və vətəndaşların ətraf mühitin mühafizəsində fəal iştirakının təşviqidir.
Aksiya çərçivəsində sahilboyu ərazidə toplanan məişət tullantıları yığılaraq aidiyyəti üzrə təhvil verilib.
Ekologiya və Təbii Sərvətlər Nazirliyi vətəndaşları bu cür ekoloji təşəbbüslərə qoşulmağa, tullantıları düzgün idarə etməyə və Xəzər dənizinin sahillərinin təmiz saxlanılmasına töhfə verməyə çağırıb.
15-07-2026, 14:57
144
