Sumqayıtın Corat qəsəbəsində çimərlikboyu ərazidə təmizlik aksiyası keçirilib.

Sumqayit.tv xəbər verir ki, “Təmiz sahil, təmiz dəniz” devizi altında keçirilən iməcilik Sumqayıt Şəhər İcra Hakimiyyətinin, Sumqayıt Bələdiyyəsinin və 4 saylı Regional Ekologiya və Təbii Sərvətlər İdarəsinin birgə təşkilatçılığı ilə baş tutub.

Aksiyada şəhərin digər aidiyyəti idarə və müəssisələrinin əməkdaşları da iştirak ediblər.

İməcilik zamanı Corat qəsəbəsində sahilboyu ərazi məişət və digər tullantılardan təmizlənib, ərazidə səliqə-sahman yaradılıb.

Bildirilib ki, aksiyanın əsas məqsədi sahilyanı ərazilərin təmiz saxlanılması, Xəzər dənizinin ekoloji mühitinin qorunması və ətraf mühitə məsuliyyətli münasibətin təşviq edilməsidir.

14-08-2026, 10:35 54