Sumqayıt şəhərində cüdo üzrə U-17 qızlar və oğlanlar arasında şəhər birinciliyi keçirilib.

Sumqayit.tv xəbər verir ki, Mikayıl Müşfiq adına 34 nömrəli tam orta məktəbin 10-cu sinif şagirdi Ləman Mehrab qızı Niftəliyeva yarışda yüksək nəticə göstərib. O, 40 kq çəki dərəcəsində bütün rəqiblərini məğlub edərək birinci yerə layiq görülüb və qızıl medal qazanıb.

Qeyd edək ki, Ləman Niftəliyeva Vətən Müharibəsi Qəhrəmanı, Xüsusi Təyinatlı Qüvvələrin şəhid baş giziri Mehrab Niftəliyevin övladıdır.

26-10-2025, 13:20 171