"Eşitdiyimə görə bir qız uşağı iti görərək ondan bərk qorxub və xəstələnərək rəhmətə gedib. Axı uşaq itdən nəyə görə qorxmalıdır?"
Sumqayit.tv xəbər verir ki,bu barədə Xalq artisti Məzahir Süleymanov sosial şəbəkə hesabında yazıb. M. Süleymanov bildirib ki, valideynlər övladlarını mərhəmət hissi ilə böyütməlidir: "Valideyinlər öz uşaqlarını heyvanlara qarşı nifrət yox, mərhəmət hissi ilə böyüdüb tərbiyə etsələr , heç vaxt uşaqlar itlərdən qorxmazlar. Çox acınacaqlı haldır ki, bəzi uşaqlar iti pişiyi görən kimi ya onları təpikləyirlər, ya da daş atırlar. Bütün bunlar valideyinlərinin gözləri qarşısında baş verir. Əksinə, valideyinlər heyvanları görəndə uşaqlarının gözləri önündə onlara mehribanlıq göstərsələr, onlara yem, su versələr, uşaqlar heç vaxt heyvanlardan qorxmazlar.