Bu gün Qərbi Azərbaycan İcması (QAİ) Çəmbərək rayon Gölkənd kənd icmasının növbəti iclası keçirilib. 
Sumqayit.tv-yə verilən məlumata görə toplantı Qərbi Azərərbaycan İcmasının Sumqayıt nümayəndəliyində baş tutub.  İclas 9 may qələbə gününə təsadüf etdiyi üçün II dünya müharibəsində və Azərbaycanın müstəqilliyi uğurunda şəhid olan soydaşlarımızın xatirəsi bir dəqiqəlik sükütla yad edilib. 
Toplantını Sumqayıt nümayəndəliyinin rəhbəri Ramiz İsmayılov açıb. Nümayəndəliyin rəhbəri  Gölkəndlilərə xoş gəldin edərək, onları İcmanın işində daha da fəal olmağa çağırıb. 
Sonra Çəmbərək rayon İcması sədrinin müavini, Gölkənd kənd icmasının sədri Tanrıverdi Mustafayev çıxış edib. O Sumqayıt nümayəndəliyinin ofisinin qapılarını onların üzünə açdığına görə, Ramiz İsmayılova minnətdarlığını bildirərək, gündəlikdə duran məsələni iclas iştirakçılarının diqqətinə çatdırıb. Kənd icma sədri bildirib ki, gündəlikdəki məsələ Gölkəndin adına tarixi kitabın buraxılmasıdır.  Təklif səsə qoyulub və yekdilliklə qəbul olunub.
Daha sonra Gölkənd kənd icması Ağsaqqallar Şurasının sədri, əməkdar müəllim, fizika üzrə fəlsəfə doktoru Vaqif Ələkbərov gündəlikdə duran məsələ ilə bağlı fikirlərini bölüşüb. V.Ələkbərov bildirib ki, dövlət başçısının dəqiq siyasəti sayəsində Qarabağ adlı yaramız sağaldı. Lakin, hələ də Azərbaycan dövlətinin qarşısında həll olunmayan məsələlər var ki, onlardan da biri Qərbi Azərbaycan məsləsidir. Biz dövlətin bu çağırışına dərhal cavab verməli və birlik nümayiş etdirməliyilk. 
 “Dövlətimiz Qərbi Azərbaycanlıların qayıdış məsləsini sülh yolu ilə həll etmək istəyir. Biz də Qərbi Azərbaycanlılar olaraq həmrəylik nümayiş etdirərək, ölkə rəhbərinin çağrışına qoşulub prosesin tezləşdirilməsi istiqamətində üzərimizə düşəni həyata keçirməliyik. O cümlədən də Gölkəndin tarixinə dair kitabın ərsəyə gətirilməsi üçün səfərbər olmalıyıq.”- deyə V.Ələkbərov iclas iştirakçılarına xitab edib. 
İclasda Gölkəndin tarixinə dair kitabın ərsəyə gəlməsi üçün 9 nəfərdən ibarət işçi qurupu yaradılıb. İşçi qrupunun rəhbəri isə Kooperasiya Universitetinin kafedra müdiri, fizika üzrə fəlsəfə doktoru Əmraslan Nəbiyev təyin edilib. 
Sonda qərara alınıb ki, növbəti iclas daha geniş tərkibdə keçirilsin.