IDEA və Ekologiya və Təbii Sərvətlər Nazirliyinin birgə həyata keçirdiyi Ümumrespublika Yaşıllaşdırma Marafonu kampaniyası çərçivəsində 2021-ci ilin bir milyonuncu ağacı əkilib.

Sumqayit.tv xəbər verir ki, 4 fekabr tarixində Abşeron Milli Parkında keçirilən tədbir zamanı, həmçinin, Avropa Nəqliyyat Həftəsi ilə əlaqədar BMTİP-nin EU4 İqlim layihəsi çərçivəsində veloyürüş keçirilib.

Tədbirdə IDEA İctimai Birliyinin təsisçisi və rəhbəri Leyla Əliyeva, ekologiya və təbii sərvətlər naziri Muxtar Babayev, müdafiə sənayesi naziri, Azərbaycan Velosiped İdmanı Federasiyasının prezidenti Mədət Quliyev, eləcə də Birləşmiş Millətlər Təşkilatı, Avropa İttifaqı və Beynəlxalq Miqrasiya Təşkilatının nümayəndələri, Böyük Britaniya, Belçika, Tacikistan, Bolqarıstan, Yunanıstan və İsrailin Azərbaycandakı fövqaladə və səlahiyyətli səfirləri və diplomatik korpusun digər nümayəndələri iştirak edib.