Sumqayıt-Bakı elektrik qatarının vuraraq öldürdüyü şəxsin kimliyi məlum olub.
Sumqayit.tv APA-ya istinadən xəbər verir ki, elektrik qatarının vurduğu şəxsin 2002-ci il təvəllüdlü Ağazadə Hacı Əmralı oğlu olduğu bildirilir.
Faktla bağlı araşdırma aparılır.
09:22
Bu gün səhər saat 07:40 radələrində 6006 saylı Sumqayıt-Xırdalan-Bakı elektrik qatarı Güzdək-Xırdalan mənzilinin 11-ci kilometrində 101 km/saat sürətlə (təyin olunmuş sürət 105 km/saat) hərəkətdə olan zaman dəmir yolu xətlərindən piyadaların keçidi üçün qadağan olunmuş yoldan qəfil keçməyə cəhd etmiş şəxsi vurub.
“Azərbaycan Dəmir Yolları” QSC-dən (ADY) Oxu.Az-a verilən məlumata görə, vurulan şəxs hadisə yerində dünyasını dəyişib.
Hadisə hüquq-mühafizə orqanları tərəfindən aidiyyəti üzrə araşdırılır.
İctimaiyyətə əlavə məlumat veriləcək.
08:51
Sumqayıtdan Bakıya doğru hərəkət edən elektrik qatarı Güzdək qəsəbəsindən keçərkən adam vurub.
Oxu.Az-ın məlumatına görə, hadisənin intihar olub-olmadığı hələ bilinmir.
Qatar təxminən 30 dəqiqə gecikib və bununla digər qatarların hərəkətində də ləngiməyə səbəb olub.
08:09
Bu gün səhər 07:25-də Sumqayıtdan Bakıya yola düşən elektrik qatarı adam vurub. 
Bununla bağlı Oxu.Az-ın hadisə yerində olan müxbiri xəbər verib.
Qatar bələdçisinin verdiyi məlumata görə, qatarın vurduğu şəxs ölüb. 
Hadisə nəticəsində qatarların hərəkətində gecikmələr müşahidə edilir.