“Xalq qəzeti”nin mədəniyyət müxbiri Mehdi Mükərrəmoğlu vəfat edib.
Sumqayit.tv Teleqraf.com xəbər verir ki, bu barədə sosial şəbəkələrdə məlumat yayılıb.
Onun ölüm səbəbi açıqlanmayıb.
Mehdi Mükərrəmoğlu 15 aprel 1952-ci ildə Qubadlı rayonunun Dondarlı kəndində anadan olub. Azərbaycan Dövlət Universitetinin kitabxanaçılıq fakültəsini bitirib.
1975-ci ildə Azərbaycan Dövlət Kinematoqrafiya Komitəsində redaktor kimi işə başlayıb, 1977-ci ildən “Kino yenilikləri” qəzeti və “Yeni filmlər” jurnalının birgə redaksiyasında işləyib. Əvvəlcə bu redaksiyada redaktor, sonra məsul katib olub.

1992-ci ildən “Kino” qəzetinin baş redaktoru, “Azərkinovideo” İstehsalat Birliyinin ictimaiyyətlə əlaqələr şöbəsinin mütəxəssisi kimi çalışıb.
2002-ci ildən “Xalq qəzeti”nin mədəniyyət yazarı kimi fəaliyyət göstərirdi.
5 kitab müəllifidir.