Ali Məhkəmədə dələduzluqda təqsirləndirilən Rəna Yusifovanın barəsindəki qərardan verilən kassasiya şikayəti üzrə məhkəmə iclası başa çatıb.

Sumqayit.tv xəbər verir ki, pravda.az-ın əldə etdiyi məlumata görə, hakim Teyyub Muxtarovun sədrliyi ilə keçirilən prosesdə qərar elan olunub.

Qərara əsasən, kassasiya şikayəti və kassasiya şikayətinə əlavə qismən təmin edilib, Bakı Ağır Cinayətlər Məhkəməsinin 2021-ci il 04 oktyabr tarixli hökmü Cinayət Məcəlləsinin 178.3.2-ci maddəsi ilə təqsirli bilinərək məhkum edilmiş Rəna Yusifova barəsində olan Sumqayıt Apellyasiya Məhkəməsinin 2024-cü il 3 iyun tarixli qərarı cəzaya aid hissədə dəyişdirilib. Qadın təqsirli bilindiyi Cinayət Məcəlləsinin 178.3.2-ci maddəsi ilə təyin edilmiş 6 il 6 ay müddətinə azadlıqdan məhrumetmə cəzası 5 il 6 aya endirilib.

İttihama görə, Rəna Yusifova rəfiqəsi, zərərçəkmiş Pakizə Quliyevanın 2014-cü ildə  “Şərur” MTK tərəfindən inşa edilmiş Bakı şəhəri Xətai rayonu G.Şixlinski küçəsi yerləşən yaşayış binasının 15-ci mərtəbəsində yerləşən ümumi sahəsi 96.23 kv/m olan mənzili 54600 manata Bakı şəhəri Xətai rayonu ərazisində yerləşən 18 saylı notariat kontorunda etibarnamə əsasında alıb. Sonra zərərçəkmiş şəxsin Rusiya Federasiyasına getməsi səbəbindən həmin mənzilinə dair sənədləri, yəni etibarnamə və Pakizə Quliyeva ilə MTK arasında bağlanılmış alqı-satqı müqaviləsini yaxın rəfiqəsi olmaqla aralarında etibarlı münasibət olduğundan saxlayıb. Daha sonra Rəna Yusifova Pakizə Quliyevanın mülkiyyətində olan həmin əmlakı zərərçəkmişin icazəsi və razılığı olmadan 65000 manata sataraq pulları dələduzluq yolu ilə ələ keçirib.

Bundan başqa, o, 2014-cü ilin avqust ayında Pakizə Quliyevanı aldadaq yenidən ondan 4 000 manat pul alıb.

23-06-2025, 10:16 258