Sumqayıt Apellyasiya Məhkəməsində dələduzluq və mənimsəmədə təqsirləndirilən Ayven Şamuradovun barəsindəki hökmdən verilən apellyasiya şikayəti üzrə məhkəmə iclası başa çatıb.

Sumqayit.tv Pravda.az-a istinadən xəbər verir ki, hakim Elman Əhmədovun sədrliyi ilə keçirilən iclasda qərar elan olunub.

Qərara əsasən, apellyasiya şikayəti təmin edilməyib.

İttihama görə, hadisə Quba rayonunun Quxur-oba kəndində baş verib. Kənd sakini A.Şamuradov Rusiyadan onlara qonaq gələn xalası oğlu Həmdulla Beydulloviçi aldadaraq, onun üçün kənddə fermer təsərrüfatı yaratmaq adı ilə ümumilikdə 780 min manat alaraq dələduzluq edib. A.Şamuradov qohumundan aldığı pullarla özünə fermer təsərrüfatı yaradıb, bağ sahələri salsa da, həmin əmlakları xalası oğlunun deyil, öz adına rəsmiləşdirib. Zərərçəkmişin şikayətindən sonra A.Şamuradov barədə cinayət işi başlanıb və o, istintaqa cəlb edilib.

Sumqayıt Ağır Cinayətlər Məhkəməsinin hökmü ilə A.Şamuradov 12 il 6 ay azadlıqdan məhrum edilib.

26-11-2025, 10:56 117