Sumqayıt şəhər sakini külli miqdarda narkotiklə saxlanılıb.

Sumqayit.tv xəbər verir ki, Qaradağ Rayon Polis İdarəsinin 38-ci Polis Şöbəsinin əməkdaşları tərəfindən narkotik vasitələrin satışı və qanunsuz dövriyyəsinə qarşı keçirilən əməliyyat tədbiri zamanı 30 yaşlı Arzuman Əhmədov tutulub.

Daxili İşlər Nazirliyinin yaydığı məlumata əsasən, əvvəllər məhkum olunmuş Sumqayıt şəhər sakininin üzərindən ümumilikdə 9 kiloqram 986 qram marixuana aşkar edilərək götürülüb.

Araşdırmalar zamanı müəyyən edilib ki, A.Əhmədov istintaqla şəxsiyyəti araşdırılan İran vətəndaşı ilə cinayət əlaqəsinə girib və narkotik vasitələri müxtəlif ünvanlarda gizlətməyi planlaşdırıb.

Faktla bağlı cinayət işi başlanılıb. Saxlanılan şəxs barəsində məhkəmənin qərarı ilə həbs qətimkan tədbiri seçilib.

25-02-2026, 14:11 196