Türkiyənin Kahramanmaraş şəhərində məktəbdə baş verən silahlı hücum nəticəsində ölənlərin sayı artıb.

Sumqayit.tv  xəbər verir ki, bu barədə Türkiyənin daxili işlər naziri Mustafa Çiftçi məlumat verib.

Nazirin sözlərinə görə, hadisə nəticəsində ölənlərin sayı 9-a çatıb. Həlak olanlardan biri müəllim, səkkizi isə şagirddir. Yaralanan 13 nəfərdən 6-nın vəziyyətinin ağır olduğu bildirilir.

Hadisənin əvvəlki mərhələsində məktəbdə silahlı hücum nəticəsində ilkin olaraq 4 nəfərin həyatını itirdiyi, 20 nəfərin isə yaralandığı açıqlanmışdı.

Məlumata görə, insident Kahramanmaraş şəhərinin Onikişubat rayonunda yerləşən Ayşel Çalık adına orta məktəbdə qeydə alınıb. Məktəb binasından silah səsləri eşidildikdən dərhal sonra əraziyə polis və təcili tibbi yardım briqadaları cəlb olunub.

Sonradan məlum olub ki, hadisəni törədən şagird 4 nəfəri qətlə yetirdikdən sonra intihar edib. Faktla bağlı şagirdin atası saxlanılıb.

Hadisə ilə bağlı araşdırmalar davam etdirilir.

Qeyd edək ki, oxşar hadisə ötən gün Türkiyənin Şanlıurfa şəhərində də baş vermişdi.

15-04-2026, 21:10 307