Daxili İşlər Nazirliyinin Baş Narkotiklərlə Mübarizə İdarəsi tərəfindən Bakı, Sumqayıt və Masallıda keçirilən əməliyyatlar zamanı külli miqdarda narkotik vasitə dövriyyədən çıxarılıb.

Sumqayit.tv xəbər verir ki, bu barədə DİN məlumat yayıb.

Bildirilib ki, həyata keçirilən tədbirlər nəticəsində əvvəllər məhkum olunmuş Əliağa Nağıyev, Cavid Ağasıyev, Mikayıl Xudaşov və Hikmət Hüseynov saxlanılıblar.

Onlardan ümumilikdə 40 kiloqram tiryək, tərkibinə zərərli maddələr əlavə edilmiş marixuana və 500 ədəd psixotrop tərkibli metadon həbi aşkarlanaraq götürülüb.

Araşdırmalar zamanı saxlanılan şəxslərin xaricdə yaşayan narkotacirlərin tapşırığı ilə narkokuryerlik fəaliyyəti ilə məşğul olduqları müəyyən edilib.

Faktlarla bağlı cinayət işləri başlanılıb, saxlanılan şəxslər barəsində məhkəmənin qərarı ilə həbs qətimkan tədbiri seçilib.

26-05-2026, 12:10 161