Qohumunu xüsusi amansızlıqla qətlə yetirməkdə təqsirləndirilən Vüqar Abuzərovun barəsindəki cinayət işi üzrə məhkəmə prosesi başa çatıb.

Sumqayit.tv-in Oxu.az-a istinadən məlumatına görə, Sumqayıt Ağır Cinayətlər Məhkəməsində sonuncu iclasda təqsirləndirilən şəxsə hökm oxunub, V.Abuzərov 17 il azadlıqdan məhrum edilib.

İttihama görə, hadisə Abşeron rayonunun Saray qəsəbəsində - V.Abuzərovun yaşadığı evdə baş verib. Vüqar evini təmir etdirmək üçün qohumu Adillə danışıb və onların arasında razılıq əldə olunub.

Bir neçə gün sonra Adil evə divar kağızları vurarkən Vüqarla arasında mübahisə yaranıb. Bu zamanı Adil şüşə qabı Vüqara atıb. Bundan əsəbiləşən Vüqar mətbəx bıçağı ilə Adilə 14 bıçaq zərbəsi endirərək onu qətlə yetirib. O, daha sonra qardaşına zəng vurub, hadisəni danışıb, ardınca polisə təslim olub.

Faktla bağlı cinayət işi başlanılıb, V.Abuzərov barəsində həbs qətimkan tədbiri seçilib.

1-06-2026, 14:44 56