Saray qəsəbəsində kürəkənini qəsdən öldürməkdə təqsirləndirilən Tayır Tayırov barəsində çıxarılan hökmdən kassasiya şikayəti verib.

Sumqayit.tv xəbər verir ki, şikayətə Azərbaycan Respublikasının Ali Məhkəməsinin hakimi Ələsgər Novruzovin sədrliyi ilə baxılacaq.

Xatırladaq ki, Abşeron Rayon Prokurorluğunun məlumatına əsasən, ötən il yanvarın 18-də Saray qəsəbəsi ərazisində 1989-cu il təvəllüdlü Elvin Ələkbərovun öldürülməsi barədə prokurorluğa məlumat daxil olub.

Araşdırmalar zamanı müəyyən edilib ki, Elvin Ələkbərovun qayınatası Tayır Tayırov aralarında yaranmış mübahisə zamanı ona bıçaqla xəsarət yetirərək qəsdən öldürüb.

Faktla bağlı Azərbaycan Respublikası Cinayət Məcəlləsinin 120.1-ci maddəsi ilə cinayət işi başlanılıb. Tayır Tayırov könüllü olaraq istintaqa təslim olub və şübhəli şəxs qismində saxlanılıb.

İş materiallarına görə, Elvin Ələkbərov əlində bıçaqla qayınatasının evinə gəlib və ona hücum etmək istəyib. Tayır Tayırov isə bıçağı alaraq Elvin Ələkbərova ölümcül xəsarətlər yetirib.

Sumqayıt Ağır Cinayətlər Məhkəməsinin hökmü ilə Tayır Tayırov 9 il 6 ay müddətinə azadlıqdan məhrum edilib.

Mənbə: Pravda.az

30-06-2026, 10:26 64