Bacısı qızını qəsdən öldürməkdə təqsirləndirilən Şakir Rzayev barədə çıxarılmış məhkəmə qərarları ləğv edilib.

Sumqayit.tv Pravda.az-a istinadən xəbər verir ki, Ali Məhkəmə kassasiya şikayətini təmin edərək Sumqayıt Ağır Cinayətlər Məhkəməsinin hökmünü, eləcə də həmin hökmü qüvvədə saxlayan Sumqayıt Apellyasiya Məhkəməsinin qərarını ləğv edib.

Qərara əsasən, cinayət işi yenidən baxılması üçün apellyasiya instansiyası məhkəməsinə göndərilib.

Xatırladaq ki, hadisə 2025-ci il yanvarın 30-da Masazır qəsəbəsində baş verib. İttihama görə, 58 yaşlı Şakir Rzayev bacısı qızı, 38 yaşlı Türkan Abdurəhimovanı bıçaqlayaraq qətlə yetirib.

Bundan əvvəl Sumqayıt Ağır Cinayətlər Məhkəməsi Şakir Rzayevə 10 il 6 ay azadlıqdan məhrumetmə cəzası vermiş, Sumqayıt Apellyasiya Məhkəməsi isə hökmü qüvvədə saxlamışdı. Ali Məhkəmənin son qərarı ilə iş yenidən apellyasiya instansiyasında araşdırılacaq.

20-07-2026, 13:52 55