Sumqayıtda bıçaqlanma hadisəsi baş verib.
Sumqayit.tv-ə daxil olan məlumata görə, hadisə 23 iyul tarixində, saat 23:00 radələrində şəhərin 9-cu mikrorayonunda, 51 saylı binanın qarşısında qeydə alınıb.
İlkin məlumata görə, 30 yaşlı Elşən Şahverənov ilə 26 yaşlı Anar Ağamirzəyev arasında yaranan mübahisə zamanı Elşən Şahverənov Anar Ağamirzəyevə bıçaqla xəsarət yetirib.
Hadisə şahidlərinin sözlərinə görə, zərərçəkənə iki bıçaq zərbəsi vurulub. Yaralı dərhal xəstəxanaya çatdırılıb.
Hadisəni törətməkdə şübhəli bilinən Elşən Şahverənov polis əməkdaşları tərəfindən saxlanılıb.
Faktla bağlı araşdırma aparılır.
Qeyd: Rəsmi açıqlama verildiyi təqdirdə xəbər yenilənəcək.
24-07-2026, 16:04
75
