Bir nəfəri qətlə yetirməkdə və digərini öldürməyə cəhddə təqsirləndirilən Şəhram Manafzadənin cinayət işi üzrə məhkəmə yekunlaşıb.

Sumqayit.tv  Unikala istinadən xəbər verir ki, Sumqayıt Ağır Cinayətlər Məhkəməsində keçirilən prosesdə hökm elan olunub.

Məhkəmənin qərarına əsasən, Şəhram Manafzadə 20 il müddətinə azadlıqdan məhrum edilib.

İttihama görə, hadisə 2024-cü ilin avqustunda Xaçmaz rayonunun Nabran qəsəbəsində baş verib. Aralarında yaranmış mübahisə zamanı Şəhram Manafzadə tanışları – Nurlan Məmmədrəhimov və onun 15 yaşlı oğlu Cavidan Məmmədrəhimovu bıçaqlayıb.

Nəticədə Cavidan Məmmədrəhimov aldığı xəsarətlərdən hadisə yerində həyatını itirib. Yaralanan Nurlan Məmmədrəhimov isə xəstəxanaya çatdırılıb.

Hadisədən sonra qaçan Şəhram Manafzadə polis əməkdaşları tərəfindən saxlanılaraq istintaqa təhvil verilib.

Qeyd edək ki, dövlət ittihamçısı da məhkəmədən təqsirləndirilən şəxsə 20 il azadlıqdan məhrumetmə cəzası verilməsini istəmişdi.

4-08-2026, 14:32 71