Şabranda sahibkar və həyat yoldaşını xüsusi amansızlıqla qətlə yetirməkdə təqsirləndirilən şəxslərlə bağlı məhkəmə qərarı dəyişməyib.

Sumqayit.tv  Pravda.az-a istinadən xəbər verir ki, Sumqayıt Apellyasiya Məhkəməsində Elçin Fərzəliyev və Murad Məmmədovun barəsindəki hökmdən verilən apellyasiya şikayətinə baxılıb.

Məhkəmə apellyasiya şikayətini təmin etməyərək əvvəlki hökmü qüvvədə saxlayıb.

İttihama görə, təqsirləndirilən şəxslər 2024-cü ilin iyununda Şabran şəhərində sahibkar Arif Hüseynov və həyat yoldaşı Gülnarə Hüseynovanın evinə basqın edərək külli miqdarda pul və qızıl-zinət əşyalarını ələ keçirmək məqsədilə onları qətlə yetiriblər.

Hadisədən sonra evdən yalnız 7 119 manat dəyərində qızıl-zinət əşyaları götürülüb. Daha sonra Elçin Fərzəliyev əldə edilən qənimətin az olmasına görə şəriki Murad Məmmədovu da bıçaqla yaralayıb.

Qeyd edək ki, Sumqayıt Ağır Cinayətlər Məhkəməsinin hökmü ilə hər iki şəxs ömürlük azadlıqdan məhrum edilib. Sumqayıt Apellyasiya Məhkəməsi də bu hökmü qüvvədə saxlayıb.

7-08-2026, 12:41 55