Rusiyanın hərbi-sənaye bazası silah-sursat çatışmazlığını aradan qaldıra bilməyəcək. Bu, işğalçı qüvvələrin 2023-cü ildə Ukraynanın şərqində hücum əməliyyatlarını dəstəkləmək imkanlarına mane olacaq.
Sumqayit.tv xəbər verir ki, bunu Müharibə Araşdırmaları İnstitutunun (ISW) analitikləri qeyd edir.
Bildirilir ki, Ukrayna və Amerika rəsmilərinin açıqlamalarına əsasən, rusların artilleriya atəşinin gündəlik intensivliyi artıq 75% azalıb. Bu, 24 fevral 2022-ci ildən bəri ən aşağı səviyyədir.
Mütəxəssislərin fikrincə, Rusiya qoşunları tədarükün azalması səbəbindən yəqin ki, mərmi atışlarını azaldıb və ya taktikalarına yenidən baxırlar.
ISW, rusların 2022-ci ilin yayında 122 mm və 152 mm kalibrli ehtiyatlarını və digər ehtiyatlarını tükəndiyini düşünür:
“Rusiya Federasiyası indi arxa bölgələrdən əlavə mərmiləri daşımalı və bu cür çatışmazlıqların qarşısını almaq üçün xarici ölkələrdən əlavə döyüş sursatları almalıdır ki, bu da atəş sürətinin azalmasına səbəb olacaq. Rusiyada silah-sursat kimi fundamental problemlərin getdikcə daha çox etiraf olunur. Çatışmazlıq və qoşun təmin edə bilməmək hücum əməliyyatlarına ciddi mane olur”.