Ölkə çempionatında 13-cü turun görüşləri bitdi. Xususilə də bu görüşlər arasında “Sumqayıt” – “Neftçi” matçı maraqlı hadisələrlə yadda qaldı. Cari mövsümdə qol vurmaqda əziyyət çəkən “Gənclik şəhəri” təmsilçisinin bu görüşdə “ayağı açıldı”. Komandalar hərəyə 2 top vurmaqla sülhə razılaşdılar. “Sumqayıt” çempionluq yarışından qopmaq istəməyən “Ağ-qaralar”ı öz evində büdrətdi.

“Neftçi”yə vurulan 2 qolu Samir Abasovun bu görüşə 2 qat hazırlaşması ilə də əlaqələndirmək olar. “Neftçi”yə qarşı oynanan bu oyunu “Neftçi” rəhbərliyinə mesaj saymaq olar. Hamımıza məlumdur ki, Abasov əvvəlki iş yeri olan “Neftçi”dən söz-söhbətlə ayrılmışdı. Təcrübəli mütəxəsis oyundan sonra açıqlamasında “Neftçi” üçün xususi hazırlaşmaq fikri ilə razılaşmasa da, baş məşqçinin ağlında qisas almaq istəyinin olmasını söyləmək olar. Bəkə də, bunun nəticəsi idi ki, Abasovun həmşəkindən də, aqresiv idi. Elə bu aqresivliyin nəticəsində qarşısında qırmızı kartı gördü. Amma nəticəyə baxsaq Abasovun “Neftçi”dən qismən “qisas” aldığını deyə bilərik.

Bu görüşü “Sumqayıt”ın cari mövsüm də ən yaxşı oyun sərgilədiyi görüş kimi adlandıra bilərik. Komandaya əl gəzdirildiyini sezmək elə də çətin deyildi. Belə qənaətə gəlmək olar ki, artıq oyunçuların “ayağının açılması” ilə komanda daha da yaxşı nəticələr verə bilər. Bu müsbət dəyişiklikliyin baş verməsində baş məşqçinin işini ön plana çıxarmaq olar. Qol vura bilməyən komandanın Azərbaycanın nəhənglərinə qollar vura bilməsi, komandanın daha inamla oynaması məqşçinin işini düzgün aparmasından irəli gəlir. Düşünürəm ki, Abasovunda dediyi kimi qarşıda komanda da görüləcək çox iş var. Amma buna baxmayaraq bu gedişlə əvvəlki mübariz, əzimkar “Sumqayıt”ı görə bilərik. Hətta bəlkə daha da artığı…

Nihat Kərimli