“Sumqayıt”ın hücumçusu “Kəpəz”də? – Adil Şükürov açıqladı
“Kəpəz” cari mövsümdə elitada qalmağı bacardı və növbəti “futbol ili” üçün daha güclü komanda formalaşdırmaq niyyətindədi.
Son məlumatlara görə, bu yöndə planlar quran “sarı-göylər”in ilk hədəfi Erik Sorqadı. Gəncə təmsilçisi Estoniya millisinin və “Sumqayıt”ın gənc hücumçusunu heyətinə qatmaq istəyir. Bilginin səhih olub-olmadığını “Kəpəz”in baş məşqçisi Adil Şükürovdan soruşduq. Onun “Football-plus.az”a dedikləri: “Erik çox yaxşı futbolçudu. Həm “Sumqayıt”ın, həm də çempionatın ümumi vəziyyətinə rəng qatıb. Təbii ki, hər baş məşqçi sərəncamında elə bacarıqlı hücumçu görmək istəyər. Planda təkcə Erik yox, başda futbolçular da var. Lakin əvvəlcə indiki heyətdən bizə lazım olan oyunçuları saxlamalıyıq. İndi normal səviyyədə maliyyə dəstəyimiz yoxdu ki, bunu bacaraq”. Qeyd edək ki, Sorqa cari mövsümdə meydana çıxdığı 26 matçda 4 qol, 2 məhsuldar ötürmə ilə yadda qalıb. Onun “kimyaçılar”la müqaviləsinin müddəti gələn ay başa çatır.
25-05-2024, 12:27
199
