2–3 avqust 2025-ci il tarixlərində Abşeron Olimpiya Kompleksində şəhidlərin xatirəsinə həsr olunmuş qol güləşi üzrə ölkə kuboku keçirilib. Yarış Gənclər və İdman Nazirliyi və Azərbaycan Bodibildinq və Fitnes Federasiyasının birgə təşkilatçılığı ilə baş tutub.

Sumqayit.tv xəbər verir ki, turnirdə Sumqayıtı təmsil edən Fövqəladə Hallar Nazirliyinin Sumqayıt Regional Mərkəzinin əməkdaşı mayor Rəşad Hacıyev böyük uğur qazanıb. O, 105 kq çəki dərəcəsində sol qolda qızıl, sağ qolda isə gümüş medala layiq görülüb.

Qeyd edək ki, bu yarışda qalib gələn idmançılar arasında yer alan üç nəfər qol güləşi üzrə oktyabr ayında Bakıda keçiriləcək Dünya çempionatına vəsiqə əldə edib.