Bu gün Azərbaycan Premyer Liqasının XVIII turuna start verilir, “Sumqayıt” səfərdə meydana çıxır.
Sumqayit.tv xəbər verir ki, bu gün futbol üzrə Azərbaycan Premyer Liqasının XVIII turuna start veriləcək.
Turun ilk oyun günündə “Sumqayıt” klubu səfərdə “Karvan-Yevlax”ın qonağı olacaq. Qarşılaşma Yevlax şəhər stadionunda keçiriləcək və saat 14:30-da start götürəcək.
Hazırda “Sumqayıt” komandası 27 xalla turnir cədvəlinin 5-ci pilləsində qərarlaşıb. Yevlax təmsilçisi “Karvan-Yevlax” isə 6 xalla turnir cədvəlinin sonuncu – 12-ci pilləsində yer alır. Qarşıdakı oyun “Sumqayıt” üçün mövqeyini möhkəmləndirmək baxımından xüsusi əhəmiyyət daşıyır.
Günün digər qarşılaşmasında “İmişli” klubu səfərdə “Qəbələ” ilə üz-üzə gələcək. Bu oyun Qəbələ şəhər stadionunda saat 17:00-da başlanacaq. Turnir cədvəlində “İmişli” 18 xalla 9-cu, “Qəbələ” isə 11 xalla 11-ci pillədə qərarlaşıb.
Qeyd edək ki, XVIII turun oyunları Premyer Liqada mövqe uğrunda mübarizəni daha da gərginləşdirəcək.
30-01-2026, 12:05
48
