Gənc boksçular arasında keçirilən U-19 Azərbaycan çempionatı davam edir.
Sumqayit.tv xəbər verir ki, Bakı Boks Mərkəzində təşkil olunan yarışın üçüncü günündə Sumqayıtı təmsil edən bir sıra idmançılar rinqə çıxıb.
Qız boksçular arasında 54 kq çəki dərəcəsində Sumqayıtlı Aysu Mikayılova Qazax təmsilçisi Nərmin Pirməmmədova ilə qarşılaşıb. Görüş Sumqayıt təmsilçisinin 5:0 hesablı qələbəsi ilə başa çatıb və o, növbəti mərhələyə yüksəlib.
Oğlanların mübarizəsində isə Sumqayıt idmançıları müxtəlif çəki dərəcələrində çıxış ediblər.
60 kq çəki dərəcəsində Əflatun İsmiyev ("AZSport" BK təmsilçisi Ömər Xasiyevlə görüşdə) məğlub olub. Eyni çəkidə Sumqayıtı təmsil edən Hüseyn Hüseynov isə Nursultan Soltanlıya 0:5 hesabı ilə uduzub.
65 kq çəki dərəcəsində Sumqayıtlı Təşkilat Quliyev Astara təmsilçisi Yusif Ağayevlə qarşılaşıb və görüşü ikinci boksçu qalib başa vurub.
Qeyd edək ki, 7 gün davam edəcək U-19 Azərbaycan çempionatında döyüşlər hər gün saat 12:00-da start götürür. Yarışın qaliblərinin adları 15 fevral tarixində məlum olacaq.
11-02-2026, 23:43
71
