Misli Premyer Liqasının XX turunda baş tutan oyunlarda azarkeşlərin və futbolçuların qayda pozuntuları nəticəsində “Sumqayıt”, “Kəpəz” və “Neftçi” klubları cərimə olunub.
Sumqayit.tv xəbər verir ki, bu barədə AFFA İntizam Komitəsi qərar qəbul edib.
“Araz-Naxçıvan” – “Sumqayıt” oyununda “Sumqayıt”ın hücumçusu Aleksandr Ramalinqom qırmızı vərəqə aldığı üçün 3 oyunluq cəzalanıb, klub isə 3 000 manat cərimələnib. Həmçinin “Sumqayıt” azarkeşləri tərəfindən hakimlər və rəqib komanda ünvanına kütləvi təhqirlərə görə klub 6 000 manat əlavə cərimə olunub.
“Kəpəz” – “Neftçi” matçında “Kəpəz” futbolçusu Məqsəd İsayev qırmızı vərəqə alaraq 2 oyunluq diskvalifikasiya olunub, klub isə 1 000 manat cərimələnib. Həmçinin “Kəpəz” və “Neftçi” azarkeşlərinin rəqib komandaya qarşı təhqirləri səbəbi ilə hər iki klub əlavə 8 000 manat cərimə alıb.
Sumqayit.tv bildirir ki, bu qərarlar azarkeşlərin məsuliyyətini bir daha ön plana çıxarır və komandalara davranış qaydalarına ciddi riayət etməyi xatırladır.
18-02-2026, 14:44
62
